પૈસાની બચત કરવી પણ એક ટેલેન્ટ હોય છે, જે બધાની પાસે નથી હોતું. અમુક લોકો એવા હોય છે, જે પૈસા બનાવવામાં હોશિયાર હોય છે અને અમુક લોકો એવા પણ હોય છે જે પૈસાની બચત ખુબ જ સારી રીતે કરી લેતા હોય છે અને જે લોકો આ બંને કામ કરી લેતા હોય છે, તેઓ ખુબ જ નસીબદાર હોય છે.
પૈસાની બચત રાશિ અનુસાર જાણો તેનો ઉપાય
પૈસા સાથે જોડાયેલા મામલાને સંભાળવા માટે દરેક વ્યક્તિની રીત અલગ અલગ હોય છે. એક વ્યક્તિ પૈસાની બચત માટે જે રીત અપનાવે છે, બની શકે છે કે એ ઉપાય બીજા વ્યક્તિ માટે કામ ન કરે. જો તમે જ્યોતિષશાસ્ત્રમાં વિશ્વાસ રાખો છો તો પોતાની રાશિ અનુસાર આ સલાહ ને માની શકો છો.
પૈસા બનાવવા પૈસાની બચત
મેષ રાશિ
આર્થિક નિર્ણય લેવાની બાબતમાં મેષ રાશિ વાળા લોકો વધારે સારા હોતા નથી. આ લોકો શોપિંગ કરવાને એક ખુબ જ જરૂરી કામ સમજે છે અને શોપિંગ કરતાં પહેલાં તેઓ વધારે કંઈ વિચારતા નથી. તેમના માટે સલાહ છે કે જે ચીજની ખરીદારી કરવા માંગો છો તેના માટે ૨૪ કલાક સુધી રોકાઈ જવું. જો તમારા મનમાં તે સામાન ખરીદવાની ઈચ્છા રહેલી હોય તો તેને ખરીદી લેવી જોઈએ. વળી જો સામાન ૨૪ કલાક બાદ તમારા મનમાં ઉતરી જાય તો મતલબ છે કે તેને ખરીદીને તમે પૈસા બરબાદ કરશો. આવી રીતે તમે થોડી બચત કરવાનું શરૂ કરી શકશો.
વૃષભ રાશિ
વૃષભ રાશિના લોકો ખુબ જ જવાબદાર, ભરોસાલાયક અને પોતાની ઈચ્છાઓને લઈને તટસ્થ હોય છે. આ બધી ચીજોની મદદથી તેઓ સારી બચત કરી શકે છે અને ભવિષ્ય માટે પ્લાનિંગ પણ કરી શકે છે. પરંતુ તેમને શાહી અને મોંઘી ચીજોનો શોખ હોય છે અને તેના લીધે તેમની બચતમાં નુકસાન થવાની સંભાવના રહે છે. તમારે યાદ રાખવું જોઈએ કે જે પૈસા તમે આજે એક જગ્યાએ ખર્ચ કરી રહ્યા છો તે કાલે તમને કોઈ બીજી અને શ્રેષ્ઠ જગ્યાએ ખર્ચ કરવા માટે મળી શકશે નહીં, એટલા માટે લક્ઝરી ચીજો ઉપર ખર્ચ કરતા પહેલા બે વખત વિચારવું જોઈએ.
મિથુન રાશિ
મિથુન રાશિના લોકો વિશે અનુમાન લગાવવું મુશ્કેલ હોય છે અને એ જ કારણ છે કે તેમના ખર્ચ પણ નિયંત્રિત રહેતા નથી. તેઓ ઘણી વખતે ખુબ જ જવાબદાર વ્યક્તિ તરીકે વર્તન કરે છે પરંતુ બીજા જ સમયે તેઓ નકામા ખર્ચને રોકી શકતા નથી. તેમના માટે બચતનો સૌથી સારો ઉપાય છે કે ભવિષ્ય માટે સેવિંગ અને રિટાયરમેન્ટ પ્લાન લે અને તેમાં ઓટોમેટીક ટ્રાન્સફર નો વિકલ્પ પસંદ કરે.
કર્ક રાશિ
કર્ક રાશિના લોકો ખુબ જ મહેનતુ હોય છે અને તેઓ બચત અને રોકાણ ખુબ જ સારી રીતે કરે છે. આ રાશિ સાથે જોડાયેલા લોકો ઘર, પરિવાર, સુરક્ષા અને સુરક્ષિત ભવિષ્ય વિશે વિચારે છે અને તેના માટે તેઓ બેંકમાં પર્યાપ્ત રકમ જમા કરવા ઉપર ફોકસ આપે છે. તેમને બચત માટે કોઈ ખાસ ની જરૂરિયાત હોતી નથી, ઉલટાનું તેમણે પોતાની ઉપર ધ્યાન આપવું જોઈએ અને પોતાની ઉપર થોડો ખર્ચ કરવો જોઈએ.
સિંહ રાશિ
તેઓ ખુબ જ મહત્વકાંક્ષી અને કલાત્મક હોય છે, જેના લીધે તેમને પૈસા કમાવામાં પરેશાની થતી નથી. તેમની પરેશાની તે ધનને બચાવી રાખવામાં હોય છે. કારણ કે તેઓ નવી સ્ટાઈલ અને ટ્રેન્ડની સાથે અપડેટ થતા રહેવા માંગે છે. તમે એટલું કરી શકો છો કે તે ચીજો ઉપર ખર્ચ કરો, જેનાથી તમને ખુશી મળે છે. તેનાથી તમે ૧૦ જગ્યાએ પૈસા ખર્ચ કરવાથી બચી શકો છો.
કન્યા રાશિ
કન્યા રાશિના લોકો મહેનતુ, સતર્ક અને પ્રેક્ટીકલ હોય છે અને તેઓ પોતાની આ ખુબીઓનો ઉપયોગ પોતાના આર્થિક નિર્ણયમાં કરતા હોય છે. તેમણે પોતાના જીવનને સરળ બનાવવા માટે અમુક ચીજો પર ખર્ચ કરવો જોઈએ. તેમણે પોતાને પોતાની ઉપર ખર્ચ કરવાની પરવાનગી આપવી જોઈએ. તેઓ બીજાની મદદ માટે આગળ રહે છે. તેમાં પણ તેમણે થોડી સાવધાની રાખવી જોઈએ.
તુલા રાશિ
આ રાશિ ની ખુબી ચીજોને લઈને સંતુલન જાળવી રાખવાની છે અને તેઓ પોતાની બચત અને ખર્ચને લઈને પણ ખુબ જ સંતુલિત રહે છે. આ રાશિના લોકો એકલા રહેવાનું પસંદ કરે છે અને તેના લીધે તેઓ મિત્રોની સાથે બહાર હરવા ફરવા અને ખાવાની ચીજોમાં વધારે ખર્ચ કરતા હોય છે. તેમણે વિચારવાની જરૂરિયાત છે કે તેમના માટે વધારે જરૂરી શું છે. મિત્રોની સાથે ક્વોલિટી ટાઈમ પસાર કરવો કે પછી તેમની ઉપર ખર્ચ કરવો. જો તેઓ આ બધા કામ માટે એક બજેટ તૈયાર કરી લે છે તો નકામા ખર્ચમાંથી બચી શકે છે.
વૃશ્ચિક રાશિ
વૃશ્ચિક રાશિના લોકો અનુસાસિત હોય છે અને તેઓ વધારે ખર્ચ કરવા ઉપર વિશ્વાસ ધરાવતા નથી. તેઓ ખુબ જ રહસ્યમય પ્રકારના વ્યક્તિ હોય છે અને તેના લીધે તેઓ પૈસા સાથે જોડાયેલી વાત કરવી તેમના માટે એક ચેલેન્જ સમાન બની જાય છે. તેમજ પરિવાર અને ભવિષ્ય માટે કોઈ પણ પ્રકારની યોજના બનાવી મુશ્કેલ બની જાય છે.
ધન રાશિ
ધન રાશિનાં લોકો આઝાદીને પોતાના જીવનમાં ખુબ જ વધારે મહત્વ આપે છે અને તેમને યાત્રા કરવી ખુબ જ પસંદ હોય છે. તેમનામાં ધીરજની કમી હોય છે, જેના લીધે તેઓ આર્થિક નિર્ણય યોગ્ય રીતે લઈ શકતા નથી. તેમણે નકામા ખર્ચથી બચવા માટે થોડો સમય રિસર્ચ ઉપર લગાવવો જોઈએ. તમારે ઉપલબ્ધ સંસાધનોનો શ્રેષ્ઠ રીતે ઉપયોગ કરવો જોઈએ, જેથી તમે પોતાના ખર્ચને વધારો નહીં.
મકર રાશિ
મકર રાશિના લોકો પોતાના જીવનમાં ખુબ જ અનુશાસિત અને નિયમિત રીતે રહે છે અને આવી રીતે તેઓ પોતાના ધનને પણ મેનેજ કરે છે, પરંતુ જ્યારે કોઈ તેમના અનુસાર નથી ચાલતું તો તેઓ તેને જજ કરવા લાગે છે. એટલા માટે આવું કરવાથી બચવું જોઈએ. સાથોસાથ તેઓ ઘણા અવસર ઉપર આવેગમાં આવીને શોપિંગ કરી લેતા હોય છે. તેમને પોતાની આ આદતમાં પણ થોડો સુધારો લાવવાની જરૂરિયાત છે.
કુંભ રાશિ
કુંભ રાશિના લોકો ખુબ જ ક્રિએટિવ હોય છે, પરંતુ તેઓ સપનાઓની દુનિયામાં રહેતા હોય છે. તેઓ ખુબ જ દયાળુ પણ હોય છે. જ્યારે પૈસાની વાત આવે છે તો તેમણે પોતાની ઉદારતા ઉપર થોડું નિયંત્રણ રાખવાની જરૂરિયાત હોય છે. જો તમારી આર્થિક સ્થિતિ સારી રહેશે, ત્યારે જ તમે પોતાની ઈચ્છાઓ અનુસાર દાન દક્ષિણાનું કામ કરી શકો છો.
મીન રાશિ
આ રાશિના લોકો પૈસાની વધારે ચિંતા કરતા નથી. તેમના જીવનમાં પૈસાથી વધારે ઘણી બધી ચીજો મહત્વ ધરાવે છે. પૈસામાં રુચિ ન હોવાને લીધે તેઓ પોતાના માટે યોગ્ય આર્થિક નિર્ણય લઈ શકતા નથી. તેમણે સમજવાનું રહેશે કે એક સારું જીવન જીવવા માટે ધનનું મહત્વ નકારી શકાય નહીં. તેમણે ધનનો ઉપયોગ એવી જગ્યાએ કરવો જોઈએ જે તેમના માટે ખુબ જ મહત્વપુર્ણ હોય. જો તેમને એક વખત પૈસાની ઉપયોગીતા સમજમાં આવી જાય તો તેઓ ફક્ત સારા પૈસા કમાતા નથી, પરંતુ તેનો યોગ્ય રીતે ઉપયોગ પણ કરી શકે છે.
